aisā vaar paḌā sar kā
bhuul ga.e rasta ghar kā

ziist chalī hai kis jānib
le kaasa kaasa mar kā

kyā kyā rañg badaltā hai
vahshī apne andar kā

dil se nikal kar dekho to
kyā aalam hai bāhar kā

sar par Daalī sarsoñ kī
paañv meñ kāñTā kīkar kā

kaun sadaf kī baat kare
naam baḌā hai gauhar kā

din hai siine kā ghaav
raat hai kāñTā bistar kā

ab to vo jī saktā hai
jis kā dil ho patthar kā

chhoḌo sher uTho 'bāqī'
vaqt huā hai daftar kā

aisa war paDa sar ka
bhul gae rasta ghar ka

zist chali hai kis jaanib
le kasa kasa mar ka

kya kya rang badalta hai
wahshi apne andar ka

dil se nikal kar dekho to
kya aalam hai bahar ka

sar par Dali sarson ki
panw mein kanTa kikar ka

kaun sadaf ki baat kare
nam baDa hai gauhar ka

din hai sine ka ghaw
raat hai kanTa bistar ka

ab to wo ji sakta hai
jis ka dil ho patthar ka

chhoDo sher uTho 'baqi'
waqt hua hai daftar ka

Source: Book : Bar-e-Safar (Pg. 42) Author : Baqi Siddiqui Publication : Maktaba Urdu Daijest, Lahore (1969) Edition : 1969