Subscribe to our newsletter and get our newest updates

Baqar Mehdi

  • Ghazal


fareb kha ke bhi sharminda-e-sukun na hue


fareb khā ke bhī sharminda-e-sukūñ na hue
na kam huā kisī manzil pe valvala dil kā

ye soch kar tirī mahfil se ham chale aa.e
ki ek baar to baḌh jaa.e hausla dil kā

palaT ke ab na kabhī lucknow se guzregā
nikal gayā hai bahut duur qāfila dil kā

harīf-e-ishq koī ho harīf-e-ġham to nahīñ
kisī se ho na sakegā muqābla dil kā

koī kisī kā nahīñ ham-zabāñ zamāne meñ
kareñ to kis se kareñ jā ke ab gila dil kā

shikast khāne kā yaarā nahīñ pa kyā kiije
ik ajnabī se paḌā hai muqābla dil kā

tumhārī nazr bhī laa.e jo ham to kyā laa.e
zarā sambhāl ke rakhnā ye aabla dil kā

fareb kha ke bhi sharminda-e-sukun na hue
na kam hua kisi manzil pe walwala dil ka

ye soch kar teri mahfil se hum chale aae
ki ek bar to baDh jae hausla dil ka

palaT ke ab na kabhi lucknow se guzrega
nikal gaya hai bahut dur qafila dil ka

harif-e-ishq koi ho harif-e-gham to nahin
kisi se ho na sakega muqabla dil ka

koi kisi ka nahin ham-zaban zamane mein
karen to kis se karen ja ke ab gila dil ka

shikast khane ka yara nahin pa kya kije
ek ajnabi se paDa hai muqabla dil ka

tumhaari nazr bhi lae jo hum to kya lae
zara sambhaal ke rakhna ye aabla dil ka


Leave a comment

+