Subscribe to our newsletter and get our newest updates

Baqar Mehdi

  • Ghazal


hazar chaha lagaen kisi se dil lekin


hazār chāhā lagā.eñ kisī se dil lekin
bichhaḌ ke tujh se tire shahr meñ rahā na gayā

kabhī ye soch ke ro.e ki mil sake taskīñ
magar jo rone pe aa.e to phir hañsā na gayā

kabhī to bhuul ga.e pī ke naam tak un kā
kabhī vo yaad jo aa.e to phir piyā na gayā

sunāyā karte the dil ko hikāyat-e-daurāñ
magar jo dil ne kahā ham se vo sunā na gayā

samajh meñ aane lagā jab fasāna-e-hastī
kisī se hāl-e-dil-e-zār phir kahā na gayā

hazar chaha lagaen kisi se dil lekin
bichhaD ke tujh se tere shahr mein raha na gaya

kabhi ye soch ke roe ki mil sake taskin
magar jo rone pe aae to phir hansa na gaya

kabhi to bhul gae pi ke nam tak un ka
kabhi wo yaad jo aae to phir piya na gaya

sunaya karte the dil ko hikayat-e-dauran
magar jo dil ne kaha hum se wo suna na gaya

samajh mein aane laga jab fasana-e-hasti
kisi se haal-e-dil-e-zar phir kaha na gaya

RECITATIONS Nomaan Shauque



00:00/00:00 hazar chaha lagaen kisi se dil lekin Nomaan Shauque

Leave a comment

+