Subscribe to our newsletter and get our newest updates

Baqar Mehdi

  • Ghazal


dasht-e-wafa mein Thokaren khane ka shauq tha


dasht-e-vafā meñ Thokareñ khāne kā shauq thā
ab har qadam pe uḌtī hai kaalī harī havā

tanhā kahāñ huuñ go ki yahāñ koī bhī nahīñ
mujh se lipaT ke sotā hai saaya ḳhafā ḳhafā

haiñ gul-mohar ke peḌ bhī dariyā bhī dhuup bhī
ḳhāmosh dekhtā hai har ik shai ko be-navā

jiine kī raah chhoḌ ke aage nikal gayā
manzil pukārtī rahī jaatā hai sar-phirā

naġhma banā ke mujh ko fazā meñ uḌā diyā
ab maiñ kahāñ se DhūñDh ke lā.ūñ tirī sadā

dasht-e-wafa mein Thokaren khane ka shauq tha
ab har qadam pe uDti hai kali hari hawa

tanha kahan hun go ki yahan koi bhi nahin
mujh se lipaT ke sota hai saya KHafa KHafa

hain gul-mohar ke peD bhi dariya bhi dhup bhi
KHamosh dekhta hai har ek shai ko be-nawa

jine ki rah chhoD ke aage nikal gaya
manzil pukarti rahi jata hai sar-phira

naghma bana ke mujh ko faza mein uDa diya
ab main kahan se DhunDh ke laun teri sada


Leave a comment

+