Subscribe to our newsletter and get our newest updates

Waliullah wali

  • Ghazal


haqiqat hai ki nanha sa diya hun


haqīqat hai ki nanhā sā diyā huuñ
magar har haal meñ jaltā rahā huuñ

jamāl-e-sub.h se nā-āshnā huuñ
kisī tārīk shab kī bad-duā huuñ

vo aisā chhā gayā hai zehn-o-dil par
jidhar dekhūñ usī ko dekhtā huuñ

koī to DhūñD kar mujh ko nikāle
maiñ apne shahr-e-jāñ meñ kho gayā huuñ

jo hai tamsīl-e-husn-e-pārsā.ī
'valī' maiñ aisā riñd-e-pārsā huuñ

haqiqat hai ki nanha sa diya hun
magar har haal mein jalta raha hun

jamal-e-subh se na-ashna hun
kisi tarik shab ki bad-dua hun

wo aisa chha gaya hai zehn-o-dil par
jidhar dekhun usi ko dekhta hun

koi to DhunD kar mujh ko nikale
main apne shahr-e-jaan mein kho gaya hun

jo hai tamsil-e-husn-e-parsai
'wali' main aisa rind-e-parsa hun


Leave a comment

+