Subscribe to our newsletter and get our newest updates

Baldev singh Hamdam

  • Ghazal


raushni ho na saki sham ke hangam ke sath


raushnī ho na sakī shaam ke hañgām ke saath
aur ham diip jalāte rahe har shaam ke saath

duur baḌhtā hī gayā hasrat-e-nākām ke saath
dil meñ ik Tiis uThī aap ke hañgām ke saath

aap ne pursish-e-ġham kā bhī takalluf na kiyā
dil meñ ham jalte rahe hasrat-e-nākām ke saath

jaane kyuuñ aaj mire ishq kī tash.hīr huī
har zabāñ par hai mirā naam tere naam ke saath

daur-e-mai ḳhatm huā sham.a kā dil baiTh gayā
raunaq-e-bazm ga.ī sāqī-e-gulfām ke saath

vaqt kī baat hai kyā vaqt guzar jā.egā
aur kuchh der chalo gardish-e-ayyām ke saath

manzil-e-ishq meñ kyā kaam thā un kā 'hamdam'
thak ke jo baiTh ga.e raah meñ ārām ke saath

raushni ho na saki sham ke hangam ke sath
aur hum dip jalate rahe har sham ke sath

dur baDhta hi gaya hasrat-e-nakaam ke sath
dil mein ek Tis uThi aap ke hangam ke sath

aap ne pursish-e-gham ka bhi takalluf na kiya
dil mein hum jalte rahe hasrat-e-nakaam ke sath

jaane kyun aaj mere ishq ki tashhir hui
har zaban par hai mera nam tere nam ke sath

daur-e-mai KHatm hua shama ka dil baiTh gaya
raunaq-e-bazm gai saqi-e-gulfam ke sath

waqt ki baat hai kya waqt guzar jaega
aur kuchh der chalo gardish-e-ayyam ke sath

manzil-e-ishq mein kya kaam tha un ka 'hamdam'
thak ke jo baiTh gae rah mein aaram ke sath


Leave a comment

+