Subscribe to our newsletter and get our newest updates

Balbir Rathi

  • Ghazal


rah mein yun to marhale hain bahut


raah meñ yuuñ to marhale haiñ bahut
ham-safar phir bhī aa ga.e haiñ bahut

ye alag baat ham na DhūñDh sake
varna manzil ke rāste haiñ bahut

jin ko manzil na rāste kā pata
aise rahbar hameñ mile haiñ bahut

aao sūraj ko chhīn kar laa.eñ
ye añdhere to baḌh ga.e haiñ bahut

duur kī manzileñ haiñ nazroñ meñ
ab ke yāroñ ke hausle haiñ bahut

ik junūñ kā jo daur thā mujh par
us ke qisse hī ban ga.e haiñ bahut

baat kyā hai ki in dinoñ ham log
sochte kam haiñ bolte haiñ bahut

rah mein yun to marhale hain bahut
ham-safar phir bhi aa gae hain bahut

ye alag baat hum na DhunDh sake
warna manzil ke raste hain bahut

jin ko manzil na raste ka pata
aise rahbar hamein mile hain bahut

aao suraj ko chhin kar laen
ye andhere to baDh gae hain bahut

dur ki manzilen hain nazron mein
ab ke yaron ke hausle hain bahut

ek junun ka jo daur tha mujh par
us ke qisse hi ban gae hain bahut

baat kya hai ki in dinon hum log
sochte kam hain bolte hain bahut


Source: Book : Lahar Lahar (Pg. 60) Author : Balbir Rathee Publication : Kadambari Prakashan, Delhi (1993) Edition : 1993

Leave a comment

+