na ka.abe meñ na but-ḳhāne meñ dekhā
samāñ jo dil ke kāshāne meñ dekhā

hameñ vahdat se kasrat haiñ ye jaanā
jo jā kar ā.ina-ḳhāne meñ dekhā

jo jalva dasht-e-dil ke zarre meñ hai
na māmūre na vīrāne meñ dekhā

kare vo gul use yā us ko vo ḳhaak
ye kiina sham.a parvāne meñ dekhā

na kabe mein na but-KHane mein dekha
saman jo dil ke kashane mein dekha

hamein wahdat se kasrat hain ye jaana
jo ja kar aaina-KHane mein dekha

jo jalwa dasht-e-dil ke zarre mein hai
na mamure na virane mein dekha

kare wo gul use ya us ko wo KHak
ye kina shama parwane mein dekha

Source: