Subscribe to our newsletter and get our newest updates

Bakul Dev

  • Ghazal


mere kuchh bhi kahe ko kaTta hai


mire kuchh bhī kahe ko kāTtā hai
vo apne dā.ere ko kāTtā hai

maiñ is bāzār ke qābil nahīñ huuñ
yahāñ khoTā khare ko kāTtā hai

udaas āñkheñ pahantī haiñ hañsī ko
phir aañsū qahqahe ko kāTtā hai

na mujh ko haiñ qubūl apnī ḳhatā.eñ
na vo apne likhe ko kāTtā hai

tavajjoh chāhtā hai ġham purānā
so rah rah kar na.e ko kāTtā hai

vahī aañsū vahī maazī ke qisse
jise dekho kaTe ko kāTtā hai

mere kuchh bhi kahe ko kaTta hai
wo apne daere ko kaTta hai

main is bazar ke qabil nahin hun
yahan khoTa khare ko kaTta hai

udas aankhen pahanti hain hansi ko
phir aansu qahqahe ko kaTta hai

na mujh ko hain qubul apni KHataen
na wo apne likhe ko kaTta hai

tawajjoh chahta hai gham purana
so rah rah kar nae ko kaTta hai

wahi aansu wahi mazi ke qisse
jise dekho kaTe ko kaTta hai


Leave a comment

+