Subscribe to our newsletter and get our newest updates

Bahadur Shah Zafar

  • Ghazal


KHwah kar insaf zalim KHwah kar bedad tu


ḳhvāh kar insāf zālim ḳhvāh kar bedād tū
par jo fariyādī haiñ un kī sun to le fariyād tū

dam-ba-dam bharte haiñ ham terī havā-ḳhvāhī kā dam
kar na bad-ḳhūoñ ke kahne se hameñ barbād tū

kyā gunah kyā jurm kyā taqsīr merī kyā ḳhatā
ban gayā jo is tarah haq meñ mire jallād tū

qaid se terī kahāñ jā.eñge ham be-bāl-o-par
kyuuñ qafas meñ tañg kartā hai hameñ sayyād tū

dil ko dil se raah hai to jis tarah se ham tujhe
yaad karte haiñ kare yuuñ hī hameñ bhī yaad tū

dil tirā faulād ho to aap ho ā.īna-vār
saaf yak-bārī sune merī agar rūdād tū

shaad o ḳhurram ek aalam ko kiyā us ne 'zafar'
par sabab kyā hai ki hai ranjīda o nāshād tū

KHwah kar insaf zalim KHwah kar bedad tu
par jo fariyaadi hain un ki sun to le fariyaad tu

dam-ba-dam bharte hain hum teri hawa-KHwahi ka dam
kar na bad-KHuon ke kahne se hamein barbaad tu

kya gunah kya jurm kya taqsir meri kya KHata
ban gaya jo is tarah haq mein mere jallad tu

qaid se teri kahan jaenge hum be-baal-o-par
kyun qafas mein tang karta hai hamein sayyaad tu

dil ko dil se rah hai to jis tarah se hum tujhe
yaad karte hain kare yun hi hamein bhi yaad tu

dil tera faulad ho to aap ho aaina-war
saf yak-bari sune meri agar rudad tu

shad o KHurram ek aalam ko kiya us ne 'zafar'
par sabab kya hai ki hai ranjida o nashad tu

RECITATIONS Nomaan Shauque



00:00/00:00 KHwah kar insaf zalim KHwah kar bedad tu Nomaan Shauque

Leave a comment

+