hai dil ko jo yaad aa.ī falak-e-pīr kisī kī
āñkhoñ ke tale phirtī hai tasvīr kisī kī

girya bhī hai naala bhī hai aur āh-o-fuġhāñ bhī
par dil meñ huī us ke na tāsīr kisī kī

haath aa.e hai kyā ḳhaak tire ḳhāk-e-kaf-e-pā
jab tak ki na qismat meñ ho iksīr kisī kī

yaaro vo hai bigḌā huā bāteñ na banāo
kuchh pesh nahīñ jaane kī taqrīr kisī kī

nāzāñ na ho mun.im ki jahāñ terā mahal hai
hovegī yahāñ pahle bhī ta.amīr kisī kī

merī girah-e-dil na khulī hai na khulegī
jab tak na khule zulf-e-girah-gīr kisī kī

aatā bhī agar hai to vo phir jaa.e hai ulTā
jis vaqt ulaT jaa.e hai taqdīr kisī kī

is abrū o mizhgāñ se 'zafar' tez ziyāda
ḳhanjar na kisī kā hai na shamshīr kisī kī

jo dil se udhar jaa.e nazar dil ho giraftār
mujrim ho koī aur ho taqsīr kisī kī

hai dil ko jo yaad aai falak-e-pir kisi ki
aankhon ke tale phirti hai taswir kisi ki

girya bhi hai nala bhi hai aur aah-o-fughan bhi
par dil mein hui us ke na tasir kisi ki

hath aae hai kya KHak tere KHak-e-kaf-e-pa
jab tak ki na qismat mein ho iksir kisi ki

yaro wo hai bigDa hua baaten na banao
kuchh pesh nahin jaane ki taqrir kisi ki

nazan na ho munim ki jahan tera mahal hai
howegi yahan pahle bhi tamir kisi ki

meri girah-e-dil na khuli hai na khulegi
jab tak na khule zulf-e-girah-gir kisi ki

aata bhi agar hai to wo phir jae hai ulTa
jis waqt ulaT jae hai taqdir kisi ki

is abru o mizhgan se 'zafar' tez ziyaada
KHanjar na kisi ka hai na shamshir kisi ki

jo dil se udhar jae nazar dil ho giraftar
mujrim ho koi aur ho taqsir kisi ki

RECITATIONS Nomaan Shauque



00:00/00:00 hai dil ko jo yaad aai falak-e-pir kisi ki Nomaan Shauque