Subscribe to our newsletter and get our newest updates

Bahadur Shah Zafar

  • Ghazal


hijr ke hath se ab KHak paDe jine mein


hijr ke haath se ab ḳhaak paḌe jiine meñ
dard ik aur uThā aah nayā siine meñ

ḳhūn-e-dil piine se jo kuchh hai halāvat ham ko
ye mazā aur kisī ko nahīñ mai piine meñ

dil ko kis shakl se apne na musaffā rakkhūñ
jalva-gar yaar kī sūrat hai is ā.īne meñ

ashk o laḳht-e-jigar āñkhoñ meñ nahīñ haiñ mere
haiñ bhare laal o guhar ishq ke ganjīne meñ

shakl-e-ā.īna 'zafar' se to na rakh dil meñ ḳhayāl
kuchh mazā bhī hai bhalā jaan mirī lene meñ

hijr ke hath se ab KHak paDe jine mein
dard ek aur uTha aah naya sine mein

KHun-e-dil pine se jo kuchh hai halawat hum ko
ye maza aur kisi ko nahin mai pine mein

dil ko kis shakl se apne na musaffa rakkhun
jalwa-gar yar ki surat hai is aaine mein

ashk o laKHt-e-jigar aankhon mein nahin hain mere
hain bhare lal o guhar ishq ke ganjine mein

shakl-e-aina 'zafar' se to na rakh dil mein KHayal
kuchh maza bhi hai bhala jaan meri lene mein


Leave a comment

+