zahar piye mad.hosh añdherī raat
nāgin sī ḳhāmosh añdherī raat

din kī sūrat mujh ko bhī khā jā aa kar
maiñ bhī huuñ behosh añdherī raat

shahroñ meñ ḳhāmoshī hī ḳhāmoshī thī
tūfāñ thā pur-josh añdherī raat

kyā jaane kis ne oḌhā merā paikar
maiñ ḳhvāb-e-ḳhargosh añdherī raat

chāñdī jaisī kirneñ mujh par mat Daalo
merā to sar-posh añdherī raat

niiñd kahāñ mere ghar aa.egī 'badnām'
maiñ ḳhāna-bar-dosh añdherī raat

zahar piye madhosh andheri raat
nagin si KHamosh andheri raat

din ki surat mujh ko bhi kha ja aa kar
main bhi hun behosh andheri raat

shahron mein KHamoshi hi KHamoshi thi
tufan tha pur-josh andheri raat

kya jaane kis ne oDha mera paikar
main KHwab-e-KHargosh andheri raat

chandi jaisi kirnen mujh par mat Dalo
mera to sar-posh andheri raat

nind kahan mere ghar aaegi 'badnam'
main KHana-bar-dosh andheri raat