dil ne ham se ajab hī kaam liyā
ham ko bechā magar na daam liyā

dil se āḳhir charāġh-e-vasl bujhā
kyā tamannā ne intiqām liyā

phir kabhī vo na aa.ī ham ko nazar
jis parī-rū kā ham ne naam liyā

terī ḳhātir hanūz ham ne yahāñ
laakh ilzām apne naam liyā

tā-dam-e-marg ishq jiitā rahā
gor meñ bhī mirā salām liyā

dil ne hum se ajab hi kaam liya
hum ko becha magar na dam liya

dil se aaKHir charagh-e-wasl bujha
kya tamanna ne intiqam liya

phir kabhi wo na aai hum ko nazar
jis pari-ru ka hum ne nam liya

teri KHatir hanuz hum ne yahan
lakh ilzam apne nam liya

ta-dam-e-marg ishq jita raha
gor mein bhi mera salam liya