Subscribe to our newsletter and get our newest updates

B S Jain Jauhar

  • Ghazal


jaane phir tum se mulaqat kabhi ho ki na ho


jaane phir tum se mulāqāt kabhī ho ki na ho
khul ke dukh-dard kī kuchh baat kabhī ho ki na ho

phir hujūm-e-ġham-o-jazbāt kabhī ho ki na ho
tum se kahne ko koī baat kabhī ho ki na ho

aaj to ek hī kashtī meñ haiñ mañjdhār meñ ham
phir ye majbūri-e-hālāt kabhī ho ki na ho

ahd-e-māzī ke fasāne hī sunā leñ tum ko
itnī ḳhāmosh koī raat kabhī ho ki na ho

jo jalātā hai mire ġham ke añdheroñ meñ charāġh
mere hāthoñ meñ vahī haat kabhī ho ki na ho

jaane phir tum se mulaqat kabhi ho ki na ho
khul ke dukh-dard ki kuchh baat kabhi ho ki na ho

phir hujum-e-gham-o-jazbaat kabhi ho ki na ho
tum se kahne ko koi baat kabhi ho ki na ho

aaj to ek hi kashti mein hain manjdhaar mein hum
phir ye majburi-e-haalat kabhi ho ki na ho

ahd-e-mazi ke fasane hi suna len tum ko
itni KHamosh koi raat kabhi ho ki na ho

jo jalata hai mere gham ke andheron mein charagh
mere hathon mein wahi hat kabhi ho ki na ho


Source: Book : Tarana-e-Bedari (Pg. 234) Author : B.S.Jain 'Jauhar' Publication : Navrang Kitab Ghar (2005 ) Edition : 2005

Leave a comment

+