jo vafā kā rivāj rakhte haiñ
sāf-suthrā samāj rakhte haiñ

qābil-e-rahm haiñ vo insāñ jo
ḳhvāhish-e-taḳht-o-tāj rakhte haiñ

bhej kar ham jahez par la.anat
ahl-e-ġhurbat kī laaj rakhte haiñ

dil-kushāda bhī haiñ unhī ke jo
sar pe ġhurbat kā taaj rakhte haiñ

barakat allāh detā hai 'sāhil'
laakh ham kam anaaj rakhte haiñ

jo wafa ka riwaj rakhte hain
saf-suthra samaj rakhte hain

qabil-e-rahm hain wo insan jo
KHwahish-e-taKHt-o-taj rakhte hain

bhej kar hum jahez par lanat
ahl-e-ghurbat ki laj rakhte hain

dil-kushada bhi hain unhi ke jo
sar pe ghurbat ka taj rakhte hain

barakat allah deta hai 'sahil'
lakh hum kam anaj rakhte hain