har taraf shor-e-fuġhāñ hai koī suntā hī nahīñ
qāfila hai ki ravāñ hai koī suntā hī nahīñ

ik sadā pūchhtī rahtī hai koī zinda hai
maiñ kahe jaatā huuñ haañ hai koī suntā hī nahīñ

maiñ jo chup thā hama-tan-gosh thī bastī saarī
ab mire muñh meñ zabāñ hai koī suntā hī nahīñ

dekhne vaale to is shahr meñ yuuñ bhī kam the
ab samā.at bhī girāñ hai koī suntā hī nahīñ

ek hañgāma ki is dil meñ bapā rahtā thā
ab karāñ-tā-ba-karāñ hai koī suntā hī nahīñ

kyā sitam hai ki mire shahr meñ merī āvāz
jaise āvāz-e-sagāñ hai koī suntā hī nahīñ

har taraf shor-e-fughan hai koi sunta hi nahin
qafila hai ki rawan hai koi sunta hi nahin

ek sada puchhti rahti hai koi zinda hai
main kahe jata hun han hai koi sunta hi nahin

main jo chup tha hama-tan-gosh thi basti sari
ab mere munh mein zaban hai koi sunta hi nahin

dekhne wale to is shahr mein yun bhi kam the
ab samaat bhi giran hai koi sunta hi nahin

ek hangama ki is dil mein bapa rahta tha
ab karan-ta-ba-karan hai koi sunta hi nahin

kya sitam hai ki mere shahr mein meri aawaz
jaise aawaz-e-sagan hai koi sunta hi nahin

Source: Book : TASTEER (Pg. 170) Author : Nasiir Ahmed Nasir Publication : Room No.1, 1st Floor, Awaan Plaza, Shadmaan Market, Lahore (Issue No. 3 October/December. 1997) Edition : Issue No. 3 October/December. 1997