Subscribe to our newsletter and get our newest updates

Aazim Kohli

  • Ghazal


jo hoga sab Thik hi hoga hone do jo hona hai


jo hogā sab Thiik hī hogā hone do jo honā hai
muñh dekhe kī bāteñ haiñ sab kis ne kis ko ronā hai

dil kis se dukh bāñTe apnā kis se apnī baat kahe
dil hī hai ik jis ne yaaro dard mukammal Dhonā hai

ham bhī miTTī tum bhī miTTī putle haiñ sab miTTī ke
avval miTTī āḳhir miTTī miTTī hī meñ sonā hai

mil kar baiTheñ nafrat chhoḌeñ pyaar vafā kī baat kareñ
bāġh-e-vafā meñ ham ne yaaro biij ulfat kā baunā hai

aisā kaam kareñ kyuuñ 'āzim' jis ko kar ke pachhtā.eñ
pahle daaġh lagā.eñ kyuuñ ham jab ashkoñ se dhonā hai

jo hoga sab Thik hi hoga hone do jo hona hai
munh dekhe ki baaten hain sab kis ne kis ko rona hai

dil kis se dukh banTe apna kis se apni baat kahe
dil hi hai ek jis ne yaro dard mukammal Dhona hai

hum bhi miTTi tum bhi miTTi putle hain sab miTTi ke
awwal miTTi aaKHir miTTi miTTi hi mein sona hai

mil kar baiThen nafrat chhoDen pyar wafa ki baat karen
bagh-e-wafa mein hum ne yaro bij ulfat ka bauna hai

aisa kaam karen kyun 'azim' jis ko kar ke pachhtaen
pahle dagh lagaen kyun hum jab ashkon se dhona hai


Source: Book : Aaghaz (Pg. 33) Author : Aazim Gurvinder Singh Kohli Publication : Aazim Gurvinder Singh Kohli, 3/78 Punjabi Bagh,New Delhi-110026 (january 1998) Edition : january 1998

Leave a comment

+