Warning: session_start(): open(/tmp/sess_i6ekhmn5ncd3v3airt3lr2qjd2, O_RDWR) failed: No space left on device (28) in /razi/eraazi/darbari/chunmun/index.php on line 15
tumhein zeba nahin hargiz sile ki aarzu rakhna

Subscribe to our newsletter and get our newest updates

Aatish Bahawalpuri

  • Ghazal


tumhein zeba nahin hargiz sile ki aarzu rakhna


tumheñ zebā nahīñ hargiz sile kī aarzū rakhnā
tumhārā kaam hai 'ātish' qalam kī aabrū rakhnā

agar dil meñ tamannā-e-nashāt-e-rañg-o-bū rakhnā
ma.āl-e-ḳhanda-gul ko bhī apne rū-ba-rū rakhnā

ye mai-ḳhāna hai mai-ḳhāna taqaddus us kā lāzim hai
yahāñ jo bhī qadam rakhnā hamesha bā-vazū rakhnā

kahīñ tauq-o-salāsil haiñ kahīñ zahr-e-halāhal hai
mujhe har āzmā.ish meñ ilāhī surḳh-rū rakhnā

zamāne par kise ma.alūm kaisā baar guzrā hai
mirā haqq-o-sadāqat par madār-e-guftugū rakhnā

na mil paa.e surāġh-e-manzil-e-jānāñ na mil paa.e
hamārā kaam hai jaarī talāsh-o-justujū rakhnā

tumhein zeba nahin hargiz sile ki aarzu rakhna
tumhaara kaam hai 'atish' qalam ki aabru rakhna

agar dil mein tamanna-e-nashat-e-rang-o-bu rakhna
maal-e-KHanda-gul ko bhi apne ru-ba-ru rakhna

ye mai-KHana hai mai-KHana taqaddus us ka lazim hai
yahan jo bhi qadam rakhna hamesha ba-wazu rakhna

kahin tauq-o-salasil hain kahin zahr-e-halahal hai
mujhe har aazmaish mein ilahi surKH-ru rakhna

zamane par kise malum kaisa bar guzra hai
mera haqq-o-sadaqat par madar-e-guftugu rakhna

na mil pae suragh-e-manzil-e-jaanan na mil pae
hamara kaam hai jari talash-o-justuju rakhna


Source: Book : Jada-e-manzil (Pg. 63) Author : Atish Bahawalpuri Publication : Nirali Duniya Publications (2001) Edition : 2001

Leave a comment

+