Subscribe to our newsletter and get our newest updates

Aatish Bahawalpuri

  • Ghazal


ibtida bigDi intiha bigDi


ibtidā bigḌī intihā bigḌī
ibn-e-ādam kī har adā bigḌī

chārasāzoñ kī chāra-sāzī se
aur bīmār kī dashā bigḌī

baaz aayā na apnī fitrat se
merī nāseh se bārhā bigḌī

ban gayā marja.a-e-ḳhalā.iq-e-dasht
shahr kī is qadar fazā bigḌī

naam rakkhā gayā sumūm us kā
lāla-o-gul se jab sabā bigḌī

mai-kade meñ bhī dekh kar na kaho
niyyat-e-shaiḳh-e-pārsā bigḌī

tark-e-ulfat ke ba.ad to 'ātish'
baat pahle se bhī sivā bigḌī

ibtida bigDi intiha bigDi
ibn-e-adam ki har ada bigDi

chaarasazon ki chaara-sazi se
aur bimar ki dasha bigDi

baz aaya na apni fitrat se
meri naseh se barha bigDi

ban gaya marja-e-KHalaiq-e-dasht
shahr ki is qadar faza bigDi

nam rakkha gaya sumum us ka
lala-o-gul se jab saba bigDi

mai-kade mein bhi dekh kar na kaho
niyyat-e-shaiKH-e-parsa bigDi

tark-e-ulfat ke baad to 'atish'
baat pahle se bhi siwa bigDi


Source: Book : Jada-e-manzil (Pg. 24) Author : Atish Bahawalpuri Publication : Nirali Duniya Publications (2001) Edition : 2001

Leave a comment

+