māh-e-kāmil ho muqābil yaar ke rū se che-ḳhush
ḳham ho dam maare hilāl us teġh-e-abrū se che-ḳhush

ik jhalak bhī yaar kī shoḳhī kī tujh meñ nahīñ ai barq
tispe ham-sar ho to us kī tundi-e-ḳhū se che-ḳhush

us kī jaulāñ kī havā se ga.ī hai barbād aur us par
mudda.ī hai nik.hat-e-gul yaar kī bū se che-ḳhush

aañkh meñ hirnoñ kī ḳhāk-afgan hai us kī gard-e-rāh
tispe gardan-kash haiñ pī ke chashm-e-jādū se che-ḳhush

garche sumbul hai ai 'uzlat' tīra-baḳht aur dāġh-e-rashk
pech-o-ḳham khā kar hai sarkash pī ke gesū se che-ḳhush

mah-e-kaamil ho muqabil yar ke ru se che-KHush
KHam ho dam mare hilal us tegh-e-abru se che-KHush

ek jhalak bhi yar ki shoKHi ki tujh mein nahin ai barq
tispe ham-sar ho to us ki tundi-e-KHu se che-KHush

us ki jaulan ki hawa se gai hai barbaad aur us par
muddai hai nikhat-e-gul yar ki bu se che-KHush

aankh mein hirnon ki KHak-afgan hai us ki gard-e-rah
tispe gardan-kash hain pi ke chashm-e-jadu se che-KHush

garche sumbul hai ai 'uzlat' tira-baKHt aur dagh-e-rashk
pech-o-KHam kha kar hai sarkash pi ke gesu se che-KHush

RECITATIONS Fasih Akmal



00:00/00:00 mah-e-kaamil ho muqabil yar ke ru se che-KHush Fasih Akmal