Subscribe to our newsletter and get our newest updates

Aatif Waheed Yasir

  • Ghazal


guftugu karne lage ret ke ambar ke sath


guftugū karne lage ret ke ambār ke saath
dostī ho ga.ī āḳhir mirī ashjār ke saath

ishq jaise kahīñ chhūne se bhī lag jaatā ho
kaun baiThegā bhalā aap ke bīmār ke saath

sāhibo mujh ko abhī raqs nahīñ aatā hai
jhuum letā huuñ faqat shaam ke āsār ke saath

yaar kuchh bol mujhe kuchh to yaqīñ aa jaa.e
maiñ tujhe dekhtā huuñ dīda-e-bedār ke saath

saf se niklā mirā sālār rajaz paḌhte hue
aur phir merī taraf chal paḌā aġhyār ke saath

guftugu karne lage ret ke ambar ke sath
dosti ho gai aaKHir meri ashjar ke sath

ishq jaise kahin chhune se bhi lag jata ho
kaun baiThega bhala aap ke bimar ke sath

sahibo mujh ko abhi raqs nahin aata hai
jhum leta hun faqat sham ke aasar ke sath

yar kuchh bol mujhe kuchh to yaqin aa jae
main tujhe dekhta hun dida-e-bedar ke sath

saf se nikla mera salar rajaz paDhte hue
aur phir meri taraf chal paDa aghyar ke sath


Leave a comment

+