ye bhī nahīñ bīmār na the
itne junūñ-āsār na the

logoñ kā kyā zikr kareñ
ham bhī kam ayyār na the

ghar meñ aur bahut kuchh thā
sirf dar-o-dīvār na the

terī ḳhabar mil jaatī thī
shahr meñ jab aḳhbār na the

pahle bhī sab biktā thā
ḳhvāboñ ke bāzār na the

sab par hañsnā sheva thā
jab tak ḳhud us paar na the

maut kī bāteñ pyārī thiiñ
marne ko tayyār na the

ye bhi nahin bimar na the
itne junun-asar na the

logon ka kya zikr karen
hum bhi kam ayyar na the

ghar mein aur bahut kuchh tha
sirf dar-o-diwar na the

teri KHabar mil jati thi
shahr mein jab aKHbar na the

pahle bhi sab bikta tha
KHwabon ke bazar na the

sab par hansna shewa tha
jab tak KHud us par na the

maut ki baaten pyari thin
marne ko tayyar na the