Subscribe to our newsletter and get our newest updates

Aashufta Changezi

  • Ghazal


ajab rang aankhon mein aane lage


ajab rañg āñkhoñ meñ aane lage
hameñ rāste phir bulāne lage

ik afvāh gardish meñ hai in dinoñ
ki dariyā kināroñ ko khāne lage

ye kyā yak-ba-yak ho gayā qissa-go
hameñ āp-bītī sunāne lage

shagun dekheñ ab ke nikaltā hai kyā
vo phir ḳhvāb meñ baḌbaḌāne lage

har ik shaḳhs rone lagā phuuT ke
ki 'āshufta'-jī bhī Thikāne lage

ajab rang aankhon mein aane lage
hamein raste phir bulane lage

ek afwah gardish mein hai in dinon
ki dariya kinaron ko khane lage

ye kya yak-ba-yak ho gaya qissa-go
hamein aap-biti sunane lage

shagun dekhen ab ke nikalta hai kya
wo phir KHwab mein baDbaDane lage

har ek shaKHs rone laga phuT ke
ki 'ashufta'-ji bhi Thikane lage

RECITATIONS Nomaan Shauque



00:00/00:00 ajab rang aankhon mein aane lage Nomaan Shauque

Leave a comment

+