itnā kyuuñ sharmāte haiñ
vaade āḳhir vaade haiñ

likhā likhāyā dho Daalā
saare varaq phir saade haiñ

tujh ko bhī kyuuñ yaad rakhā
soch ke ab pachhtāte haiñ

ret mahal do chaar bache
ye bhī girne vaale haiñ

jaa.eñ kahīñ bhī tujh ko kyā
shahr se tere jaate haiñ

ghar ke andar jaane ke
aur ka.ī darvāze haiñ

uñglī pakaḌ ke saath chale
dauḌ meñ ham se aage haiñ

itna kyun sharmate hain
wade aaKHir wade hain

likha likhaya dho Dala
sare waraq phir sade hain

tujh ko bhi kyun yaad rakha
soch ke ab pachhtate hain

ret mahal do chaar bache
ye bhi girne wale hain

jaen kahin bhi tujh ko kya
shahr se tere jate hain

ghar ke andar jaane ke
aur kai darwaze hain

ungli pakaD ke sath chale
dauD mein hum se aage hain