ḳhudā shāhid buto do-jag se ye saudā hai nirvālā
maiñ do bādām-e-chashm-e-lutf par dil bechne vaalā

dono aalam se mashrab mast-e-vahdat kā hai nirvālā
mire ek haath meñ tasbīh hai ik haath meñ pyālā

nahīñ is saal vo ḳhūnīñ-nayan bhūre alak vaalā
lago laalā ko aag aur ho jo nā-farmāñ kā muñh kaalā

vo shīrīñ-lab kā bosa kyūñke chhoḌe mujh sā matvālā
ki juuñ laala bichhaḌte us dahan se daaġh ho paalā

nahīñ fāriġh maiñ ba.ad-az-marg bhī soz-e-mohabbat se
mirā ḳhuuñ dāman-e-qātil meñ hogā daaġh juuñ laalā

vo nā-farmāñ banā ḳhūn-e-jigar se mai na pī uzlat
kabāb-e-dil kī bū aatī hai har pyāle se juuñ laalā

KHuda shahid buto do-jag se ye sauda hai nirwala
main do baadam-e-chashm-e-lutf par dil bechne wala

dono aalam se mashrab mast-e-wahdat ka hai nirwala
mere ek hath mein tasbih hai ek hath mein pyala

nahin is sal wo KHunin-nayan bhure alak wala
lago lala ko aag aur ho jo na-farman ka munh kala

wo shirin-lab ka bosa kyunke chhoDe mujh sa matwala
ki jun lala bichhaDte us dahan se dagh ho pala

nahin farigh main baad-az-marg bhi soz-e-mohabbat se
mera KHun daman-e-qatil mein hoga dagh jun lala

wo na-farman bana KHun-e-jigar se mai na pi uzlat
kabab-e-dil ki bu aati hai har pyale se jun lala