Subscribe to our newsletter and get our newest updates

Aarif Aazmi

  • Ghazal


kabhi KHud ko kabhi KHwabon ko sada dete hain


kabhī ḳhud ko kabhī ḳhvāboñ ko sadā dete haiñ
kaisī dīvār uThāte haiñ girā dete haiñ

aao do chaar qadam chal ke bhī dekheñ yaaro
ham-safar apne kahāñ ham ko daġhā dete haiñ

jaane kyā soch ke ai dost ye arbāb-e-chaman
zahr-pāshī se vo paudoñ ko jalā dete haiñ

ye guzargāh ke patthar tirī Thokar meñ sahī
har qadam par tujhe manzil kā patā dete haiñ

ye vo duniyā hai jahāñ jhuuT chhupāne ke liye
log sachchā.ī ko suulī pe chaḌhā dete haiñ

jab bhī aate haiñ use chhū ke havā ke jhoñke
dil ke so.e hue jazbāt jagā dete haiñ

dūr-o-nazdīk ye sannāToñ ke gahre saa.e
aane vaale kisī tūfāñ kā pata dete haiñ

kabhi KHud ko kabhi KHwabon ko sada dete hain
kaisi diwar uThate hain gira dete hain

aao do chaar qadam chal ke bhi dekhen yaro
ham-safar apne kahan hum ko dagha dete hain

jaane kya soch ke ai dost ye arbab-e-chaman
zahr-pashi se wo paudon ko jala dete hain

ye guzargah ke patthar teri Thokar mein sahi
har qadam par tujhe manzil ka pata dete hain

ye wo duniya hai jahan jhuT chhupane ke liye
log sachchai ko suli pe chaDha dete hain

jab bhi aate hain use chhu ke hawa ke jhonke
dil ke soe hue jazbaat jaga dete hain

dur-o-nazdik ye sannaTon ke gahre sae
aane wale kisi tufan ka pata dete hain


Source:

Leave a comment

+