Subscribe to our newsletter and get our newest updates

Aanis Moin

  • Ghazal


ye aur baat ki rang-e-bahaar kam hoga


ye aur baat ki rañg-e-bahār kam hogā
na.ī rutoñ meñ daraḳhtoñ kā baar kam hogā

ta.alluqāt meñ aa.ī hai bas ye tabdīlī
mileñge ab bhī magar intizār kam hogā

maiñ sochtā rahā kal raat baiTh kar tanhā
ki is hujūm meñ merā shumār kam hogā

palaT to aa.egā shāyad kabhī yahī mausam
tire baġhair magar ḳhush-gavār kam hogā

bahut tavīl hai 'ānas' ye zindagī kā safar
bas ek shaḳhs pe dār-o-madār kam hogā

ye aur baat ki rang-e-bahaar kam hoga
nai ruton mein daraKHton ka bar kam hoga

talluqat mein aai hai bas ye tabdili
milenge ab bhi magar intizar kam hoga

main sochta raha kal raat baiTh kar tanha
ki is hujum mein mera shumar kam hoga

palaT to aaega shayad kabhi yahi mausam
tere baghair magar KHush-gawar kam hoga

bahut tawil hai 'anas' ye zindagi ka safar
bas ek shaKHs pe dar-o-madar kam hoga

RECITATIONS Nomaan Shauque



00:00/00:00 ye aur baat ki rang-e-bahaar kam hoga Nomaan Shauque

Source: Book : Muallim-e-urdu(Lucknow) (Pg. 32) Author : Izhar Ahmad Publication : Published by Izhar ahmad Editor,and publisher at the Shagufta printers Lucknow & Distributed simmam Publication 499/129 Hasanganj lucknow-226020 ( February-1992) Edition :  February-1992

Leave a comment

+