Subscribe to our newsletter and get our newest updates

Wali Uzlat

  • Ghazal


waqt bose ke mera munh uske lab se jun juDa


vaqt bose ke mirā muñh us ke lab se juuñ juḌā
gard-e-ġham huī dil meñ mīThī jaise shakkar kā puḌā

be-ziyā sūraj ke phirne se ho jaise aa.ina
nūr-e-jāñ dil se gayā juuñ us kā ruḳh mujh se muḌā

kyā balā pathrāv thiiñ us sañg-dil kī gāliyāñ
le gayā saarā thā shīsha dil kā meñ liyāyā tuḌā

baaġh meñ jaave vo vahshī-chashm agar mast-e-sharāb
nargis us uupar nisār-e-sīm-o-zar deve uḌā

in laboñ ke bose ke lālach meñ jaltā hai bahisht
sun le 'uzlat' kaan dhar kahtā hai huqqa guḌguḌā

waqt bose ke mera munh us ke lab se jun juDa
gard-e-gham hui dil mein miThi jaise shakkar ka puDa

be-ziya suraj ke phirne se ho jaise aaina
nur-e-jaan dil se gaya jun us ka ruKH mujh se muDa

kya bala pathraw thin us sang-dil ki galiyan
le gaya sara tha shisha dil ka mein liyaya tuDa

bagh mein jawe wo wahshi-chashm agar mast-e-sharab
nargis us upar nisar-e-sim-o-zar dewe uDa

in labon ke bose ke lalach mein jalta hai bahisht
sun le 'uzlat' kan dhar kahta hai huqqa guDguDa


Leave a comment

+