lahū ragoñ meñ sambhālā nahīñ gayā mujh se
kisī dishā meñ uchhālā nahīñ gayā mujh se
suDaul bāñhoñ meñ bhartā maiñ loch sāvan kā
vo sañg mom meñ Dhālā nahīñ gayā mujh se
maiñ ḳhvāb paḌhtā thā hamsā.egī kī abjad se
magar vo husn ḳhayālā nahīñ gayā mujh se
vahī hai mere lahū meñ chamak ulūhī sī
samay ujālne vaalā nahīñ gayā mujh se
firāq kahtī thiiñ nepālī naddiyāñ 'āmir'
magar shikoh-e-himāla nahīñ gayā mujh se
lahu ragon mein sambhaala nahin gaya mujh se
kisi disha mein uchhaala nahin gaya mujh se
suDaul banhon mein bharta main loch sawan ka
wo sang mom mein Dhaala nahin gaya mujh se
main KHwab paDhta tha hamsaegi ki abjad se
magar wo husn KHayala nahin gaya mujh se
wahi hai mere lahu mein chamak uluhi si
samay ujalne wala nahin gaya mujh se
firaq kahti thin nepali naddiyan 'amir'
magar shikoh-e-himala nahin gaya mujh se
Source:
Leave a comment