Subscribe to our newsletter and get our newest updates

Aamir Suhail

  • Ghazal


ada hai KHwab hai taskin hai tamasha hai


adā hai ḳhvāb hai taskīn hai tamāshā hai
hamārī aañkh meñ ik shaḳhs be-tahāshā hai

zarā sī chaa.e girī aur daaġh daaġh varaq
ye zindagī hai ki aḳhbār kā tarāshā hai

tumhārā boltā chehra palak se chhū chhū kar
ye raat ā.īna kī hai ye din tarāshā hai

tire vajūd se bāra-darī damak uTThī
ki phuul pallū sarakne se irti.āshā hai

maiñ be-zabāñ nahīñ jo boltā huuñ likh likh kar
mirī zabān tale zahr kā batāshā hai

tumhārī yaad ke charkoñ se laḳht laḳht hai jī
ki ḳhanjaroñ se kisī ne badan ko qāshā hai

jahān bhar se jahāñ-gard dekhne aa.eñ
ki putliyoñ kā mire mulk meñ tamāshā hai

ada hai KHwab hai taskin hai tamasha hai
hamari aankh mein ek shaKHs be-tahasha hai

zara si chae giri aur dagh dagh waraq
ye zindagi hai ki aKHbar ka tarasha hai

tumhaara bolta chehra palak se chhu chhu kar
ye raat aaina ki hai ye din tarasha hai

tere wajud se bara-dari damak uTThi
ki phul pallu sarakne se irtiasha hai

main be-zaban nahin jo bolta hun likh likh kar
meri zaban tale zahr ka batasha hai

tumhaari yaad ke charkon se laKHt laKHt hai ji
ki KHanjaron se kisi ne badan ko qasha hai

jahan bhar se jahan-gard dekhne aaen
ki putliyon ka mere mulk mein tamasha hai


Source: Book : Ghazal Calendar-2015 (Pg. 09.09.2015)

Leave a comment

+