Subscribe to our newsletter and get our newest updates

Aal-e-Raza Raza

  • Ghazal


husn ki fitrat mein dil-azariyan


husn kī fitrat meñ dil-āzāriyāñ
us pe zālim nit-na.ī tayyāriyāñ

muttasil tiflī se āġhāz-e-shabāb
ḳhvāb ke āġhosh meñ bedāriyāñ

soch kar un kī galī meñ jaa.e kaun
be-irāda hotī haiñ tayyāriyāñ

dard-e-dil aur jān-levā pursisheñ
ek bīmārī kī sau bīmāriyāñ

aur dīvāne ko dīvāna banāo
allāh allāh itnī ḳhātir-dāriyāñ

bañdh rahā hai ai 'razā' raḳht-e-safar
ho rahī haiñ kuuch kī tayyāriyāñ

husn ki fitrat mein dil-azariyan
us pe zalim nit-nai tayyariyan

muttasil tifli se aaghaz-e-shabab
KHwab ke aaghosh mein bedariyan

soch kar un ki gali mein jae kaun
be-irada hoti hain tayyariyan

dard-e-dil aur jaan-lewa pursishen
ek bimari ki sau bimariyan

aur diwane ko diwana banao
allah allah itni KHatir-dariyan

bandh raha hai ai 'raza' raKHt-e-safar
ho rahi hain kuch ki tayyariyan


Source: Book : Jadeed Shora-e-Urdu (Pg. 783) Author : Dr. Abdul Wahid Publication : Feroz sons Printers Publishers and Stationers

Leave a comment

+