gul rahe nahiñ naam ko sarkash haiñ ḳhārāñ al-ayāz
khaTke hai āñkhoñ meñ ye suunā gulistāñ al-ayāz

ḳhaak sar par kar bagūle se ġham-e-majnūñ meñ haa.e
phāḌtā hai dāman-e-sahrā garebāñ al-ayāz

bas-ki har kāñTe se dil chhed ek bulbul mar rahe
ho gayā gulshan ḳhizāñ meñ bulbulistāñ al-ayāz

Dālte haiñ ahl-e-duniyā ḳheme ab sahrā ke biich
faut-e-majnūñ se hai be-vāris bayābāñ al-ayāz

nikle hai jeb-e-junūn-e-sub.h se juuñ āftāb
daaġh hai chākoñ se uzlat kā garebāñ al-ayāz

gul rahe nahin nam ko sarkash hain KHaran al-ayaz
khaTke hai aankhon mein ye suna gulistan al-ayaz

KHak sar par kar bagule se gham-e-majnun mein hae
phaDta hai daman-e-sahra gareban al-ayaz

bas-ki har kanTe se dil chhed ek bulbul mar rahe
ho gaya gulshan KHizan mein bulbulistan al-ayaz

Dalte hain ahl-e-duniya KHeme ab sahra ke bich
faut-e-majnun se hai be-waris bayaban al-ayaz

nikle hai jeb-e-junun-e-subh se jun aaftab
dagh hai chaakon se uzlat ka gareban al-ayaz