Subscribe to our newsletter and get our newest updates

Wali Uzlat

  • Ghazal


mere ashkon ki gai thi rail virane pe kya guzra


mere ashkoñ kī ga.ī thī rail vīrāne pe kyā guzrā
ḳhabar niiñ hazrat-e-majnūñ ke kāshāne pe kyā guzrā

in āñkhoñ ko diyā thā dil vo dīvāne pe kyā guzrā
paḌā thā baat bad-mastoñ ke paimāne pe kyā guzrā

maiñ aur zunnār hai tasbīh-e-sad-dāne pe kyā guzrā
mire kāfir hue setī ḳhudā jaane pe kyā guzrā

diyā dil vasl lene ko bigāḌā ġhair ne saudā
bukā is ġham ke hāthoñ meñ ki begāne pe kyā guzrā

vo zulfeñ bas raqīboñ ke diloñ kī saḳht girheñ thiiñ
kaho mere dil-e-sad-chāk ke shāne pe kyā guzrā

na pūchhā bhuul kar bhī fasl-e-gul meñ shīsha-ḳhū tū ne
ki is pathrāv meñ tifloñ ke dīvāne pe kyā guzrā

phire aate haiñ mastāñ dar-gah-e-pair-e-muġhāñ setī
kiyā thā ḳhāna vīrāñ shaiḳh maiḳhāne pe kyā guzrā

Dhakī thī ātish-e-gul tā-sar-e-dīvār-e-bāġh ab ke
ḳhabar 'uzlat' ko niiñ bulbul ke ḳhas-ḳhāna pe kyā guzrā

mere ashkon ki gai thi rail virane pe kya guzra
KHabar nin hazrat-e-majnun ke kashane pe kya guzra

in aankhon ko diya tha dil wo diwane pe kya guzra
paDa tha baat bad-maston ke paimane pe kya guzra

main aur zunnar hai tasbih-e-sad-dane pe kya guzra
mere kafir hue seti KHuda jaane pe kya guzra

diya dil wasl lene ko bigaDa ghair ne sauda
buka is gham ke hathon mein ki begane pe kya guzra

wo zulfen bas raqibon ke dilon ki saKHt girhen thin
kaho mere dil-e-sad-chaak ke shane pe kya guzra

na puchha bhul kar bhi fasl-e-gul mein shisha-KHu tu ne
ki is pathraw mein tiflon ke diwane pe kya guzra

phire aate hain mastan dar-gah-e-pair-e-mughan seti
kiya tha KHana viran shaiKH maiKHane pe kya guzra

Dhaki thi aatish-e-gul ta-sar-e-diwar-e-bagh ab ke
KHabar 'uzlat' ko nin bulbul ke KHas-KHana pe kya guzra


Leave a comment

+