agar gulshan taraf vo nau-ḳhat-e-rañgīñ-adā nikle
gul o raihāñ suuñ rañg-o-bū shitābī peshvā nikle

khile har ġhuncha-e-dil jyuuñ gul-e-shādāb shādī suuñ
agar Tuk ghar suuñ bāhar vo bahār-dil-kushā nikle

ġhanīm-e-ġham kiyā hai fauj-bandī ishq-bāzāñ par
bajā hai aaj vo raaja agar naubat bajā nikle

nisār us ke qadam uupar karūñ añjhuvāñ ke gauhar sab
agar karne kuuñ dil-jūī vo sarv-e-ḳhush-adā nikle

sanam aa.e karūñgā nāla-e-jāñ-soz kuuñ zāhir
magar us sañg-dil suuñ mehrbānī kī sadā nikle

rahe mānind-e-la.al-e-be-bahā shāhāñ ke taaj uupar
mohabbat meñ jo kui asbāb zāhir kuuñ bahā nikle

baḳhīlī dars kī hargiz na kiijo ai parī-paikar
'valī' terī galī meñ jab ki mānind-e-gadā nikle

agar gulshan taraf wo nau-KHat-e-rangin-ada nikle
gul o raihan sun rang-o-bu shitabi peshwa nikle

khile har ghuncha-e-dil jyun gul-e-shadab shadi sun
agar Tuk ghar sun bahar wo bahaar-dil-kusha nikle

ghanim-e-gham kiya hai fauj-bandi ishq-bazan par
baja hai aaj wo raja agar naubat baja nikle

nisar us ke qadam upar karun anjhuwan ke gauhar sab
agar karne kun dil-jui wo sarw-e-KHush-ada nikle

sanam aae karunga nala-e-jaan-soz kun zahir
magar us sang-dil sun mehrbani ki sada nikle

rahe manind-e-lal-e-be-baha shahan ke taj upar
mohabbat mein jo kui asbab zahir kun baha nikle

baKHili dars ki hargiz na kijo ai pari-paikar
'wali' teri gali mein jab ki manind-e-gada nikle