Subscribe to our newsletter and get our newest updates

Wali Mohammad Wali

  • Ghazal


ruh baKHshi hai kaam tujh lab ka


ruuh baḳhshī hai kaam tujh lab kā
dam-e-īsā hai naam tujh lab kā

husn ke ḳhizr ne kiyā labrez
āb-e-haivāñ suuñ jaam tujh lab kā

mantiq-o-hikmat-o-ma.ānī par
mushtamil hai kalām tujh lab kā

jannat-e-husn meñ kiyā haq ne
hauz-e-kausar maqām tujh lab kā

rag-e-yāqūt ke qalam suuñ likheñ
ḳhat paristāñ payām tujh lab kā

sabza-o-barg-o-lāla rakhte haiñ
shauq dil meñ davām tujh lab kā

ġharq-e-shakkar hue haiñ kām-o-zabāñ
jab liyā huuñ maiñ naam tujh lab kā

misl-e-yāqūt ḳhat meñ hai shāgird
sāġhar-e-mai mudām tujh lab kā

hai 'valī' kī zabāñ ko lazzat-baḳhsh
zikr har sub.h-o-shām tujh lab kā

ruh baKHshi hai kaam tujh lab ka
dam-e-isa hai nam tujh lab ka

husn ke KHizr ne kiya labrez
aab-e-haiwan sun jam tujh lab ka

mantiq-o-hikmat-o-maani par
mushtamil hai kalam tujh lab ka

jannat-e-husn mein kiya haq ne
hauz-e-kausar maqam tujh lab ka

rag-e-yaqut ke qalam sun likhen
KHat paristan payam tujh lab ka

sabza-o-barg-o-lala rakhte hain
shauq dil mein dawam tujh lab ka

gharq-e-shakkar hue hain kaam-o-zaban
jab liya hun main nam tujh lab ka

misl-e-yaqut KHat mein hai shagird
saghar-e-mai mudam tujh lab ka

hai 'wali' ki zaban ko lazzat-baKHsh
zikr har subh-o-sham tujh lab ka


Source: Kulliyat-e-Wali

Leave a comment

+