aarzū le ke koī ghar se nikalte kyuuñ ho
paañv julte haiñ to phir aag pe chalte kyuuñ ho

shohrateñ sab ke muqaddar meñ kahāñ hotī haiñ
tum ye har roz nayā bhes badalte kyuuñ ho

yuuñ to tum aur bhī mashkūk nazar aaoge
baat karte hue ruk ruk ke sambhle kyuuñ ho

haañ! tumheñ jurm kā ehsās satātā hogā
varna yuuñ rātoñ ko uTh uTh ke Tahalte kyuuñ ho

aur bāzār se 'ġhālib' kī tarah le aao
dil agar TuuT gayā hai to machalte kyuuñ ho

tum ne pahle kabhī is baat ko sochā hotā
peḌ kī chhāñv meñ baiThe ho to jalte kyuuñ ho

aarzu le ke koi ghar se nikalte kyun ho
panw julte hain to phir aag pe chalte kyun ho

shohraten sab ke muqaddar mein kahan hoti hain
tum ye har roz naya bhes badalte kyun ho

yun to tum aur bhi mashkuk nazar aaoge
baat karte hue ruk ruk ke sambhle kyun ho

han! tumhein jurm ka ehsas satata hoga
warna yun raaton ko uTh uTh ke Tahalte kyun ho

aur bazar se 'ghaalib' ki tarah le aao
dil agar TuT gaya hai to machalte kyun ho

tum ne pahle kabhi is baat ko socha hota
peD ki chhanw mein baiThe ho to jalte kyun ho

Source: Book : Mujalla Dastavez (Pg. 107) Author : Aziz Nabeel Publication : Edarah Dastavez (2010) Edition : 2010