Subscribe to our newsletter and get our newest updates

Wakil Akhtar

  • Ghazal


yun to tanhai mein ghabrae bahut


yuuñ to tanhā.ī meñ ghabrā.e bahut
mil ke logoñ se bhī pachhtā.e bahut

aise lamhe ziist meñ aa.e bahut
ham ne dhoke jaan kar khaa.e bahut

ye nahīñ ma.alūm ki kyā baat thī
ro rahe the mere ham-sā.e bahut

tum hī batlā do ki koī kyā kare
zindagī jab bojh ban jaa.e bahut

ham farāz-e-dār tak tanhā ga.e
do qadam tak log saath aa.e bahut

shahr-e-ġham jaisā thā vaisā hī rahā
yuuñ jahāñ meñ inqalāb aa.e bahut

Dūbnā 'aḳhtar' thā qismat meñ likhā
vaise ham tūfāñ se Takrā.e bahut

yun to tanhai mein ghabrae bahut
mil ke logon se bhi pachhtae bahut

aise lamhe zist mein aae bahut
hum ne dhoke jaan kar khae bahut

ye nahin malum ki kya baat thi
ro rahe the mere ham-sae bahut

tum hi batla do ki koi kya kare
zindagi jab bojh ban jae bahut

hum faraaz-e-dar tak tanha gae
do qadam tak log sath aae bahut

shahr-e-gham jaisa tha waisa hi raha
yun jahan mein inqalab aae bahut

Dubna 'aKHtar' tha qismat mein likha
waise hum tufan se Takrae bahut


Source: Shab Khoon(Shumara Number-071)

Leave a comment

+