dard aa ke baḌhā do dil kā tum ye kaam tumheñ kyā mushkil hai
bīmār banānā āsāñ hai har-chand mudāvā mushkil hai

ilzām na deñge ham tum ko taskīn meñ koī kī na kamī
vaada to vafā kā tum ne kiyā kyā kījiye iifā mushkil hai

dil toḌ diyā tum ne merā ab joḌ chuke tum TuuTe ko
vo kaam nihāyat āsāñ thā ye kaam balā kā mushkil hai

āġhāz se zāhir hotā hai anjām jo hone vaalā hai
andāz-e-zamāna kahtā hai puurī ho tamannā mushkil hai

mauqūf karo ab fikr-e-suḳhan 'vahshat' na karo ab zikr-e-suḳhan
jo kaam ki be-hāsil Thahrā dil us meñ lagānā mushkil hai

dard aa ke baDha do dil ka tum ye kaam tumhein kya mushkil hai
bimar banana aasan hai har-chand mudawa mushkil hai

ilzam na denge hum tum ko taskin mein koi ki na kami
wada to wafa ka tum ne kiya kya kijiye ifa mushkil hai

dil toD diya tum ne mera ab joD chuke tum TuTe ko
wo kaam nihayat aasan tha ye kaam bala ka mushkil hai

aaghaz se zahir hota hai anjam jo hone wala hai
andaz-e-zamana kahta hai puri ho tamanna mushkil hai

mauquf karo ab fikr-e-suKHan 'wahshat' na karo ab zikr-e-suKHan
jo kaam ki be-hasil Thahra dil us mein lagana mushkil hai

RECITATIONS Nomaan Shauque



00:00/00:00 dard aa ke baDha do dil ka tum ye kaam tumhein kya mushkil hai Nomaan Shauque