muravvat kā paas aur vafā kā lihāz
kare āshnā āshnā kā lihāz

dam-e-sajda sar saḳht thā be-adab
kiyā kuchh na us naqsh-e-pā kā lihāz

na mahrūm rakh mujh ko husn-e-qubūl
rahe kuchh to dast-e-duā kā lihāz

vo haiñ paas ab bas kar ai dard-e-dil
kare kuchh maraz bhī davā kā lihāz

milā.ī na 'vahshat' kabhī us se aañkh
mujhe thā jo us kī hayā kā lihāz

murawwat ka pas aur wafa ka lihaz
kare aashna aashna ka lihaz

dam-e-sajda sar saKHt tha be-adab
kiya kuchh na us naqsh-e-pa ka lihaz

na mahrum rakh mujh ko husn-e-qubul
rahe kuchh to dast-e-dua ka lihaz

wo hain pas ab bas kar ai dard-e-dil
kare kuchh maraz bhi dawa ka lihaz

milai na 'wahshat' kabhi us se aankh
mujhe tha jo us ki haya ka lihaz