Subscribe to our newsletter and get our newest updates

Wahshat Raza Ali Kalkatvi

  • Ghazal


luTa hai mujhe uski har ada ne


luuTā hai mujhe us kī har adā ne
andāz ne naaz ne hayā ne

donoñ ne kiyā hai mujh ko rusvā
kuchh dard ne aur kuchh davā ne

bejā hai tirī jafā kā shikva
maarā mujh ko mirī vafā ne

poshīda nahīñ tumhārī chāleñ
kuchh mujh se kahā hai naqsh-e-pā ne

kyuuñ jaur-kashān-e-āsmāñ se
muñh pher liyā tirī jafā ne

dil ko māyūs kar diyā hai
begāna mizāj-āshnā ne

donoñ ne baḌhā.ī raunaq-e-husn
shoḳhī ne kabhī kabhī hayā ne

ḳhush paate haiñ mujh ko dost 'vahshat'
dil kā ahvāl kaun jaane

luTa hai mujhe us ki har ada ne
andaz ne naz ne haya ne

donon ne kiya hai mujh ko ruswa
kuchh dard ne aur kuchh dawa ne

beja hai teri jafa ka shikwa
mara mujh ko meri wafa ne

poshida nahin tumhaari chaalen
kuchh mujh se kaha hai naqsh-e-pa ne

kyun jaur-kashan-e-asman se
munh pher liya teri jafa ne

dil ko mayus kar diya hai
begana mizaj-ashna ne

donon ne baDhai raunaq-e-husn
shoKHi ne kabhi kabhi haya ne

KHush pate hain mujh ko dost 'wahshat'
dil ka ahwal kaun jaane


Leave a comment

+