hai mere sar se koī bojh utārne vaalā
pukārtā hai ye har-dam pukārne vaalā

phirā hai yuuñ vo ruḳh-e-ā.ina-numā mujh se
koī nahīñ merī sūrat sañvārne vaalā

banā huuñ sīna-e-dariyā kā bojh muddat se
koī rahā hī nahīñ paar utārne vaalā

badaltī jaatī hai hālat zamīñ ke chehre kī
ki āsmāñ hai nayā ruup dhārne vaalā

utar kai kārgah-e-fan meñ fat.h-yāb huā
bisāt-e-dahr pe har-ros hārne vaalā

maiñ apne ahd kā sannā-e-shahr huuñ 'zāhid'
mirā qalam hai na.e naqsh ubhārne vaalā

hai mere sar se koi bojh utarne wala
pukarta hai ye har-dam pukarne wala

phira hai yun wo ruKH-e-aina-numa mujh se
koi nahin meri surat sanwarne wala

bana hun sina-e-dariya ka bojh muddat se
koi raha hi nahin par utarne wala

badalti jati hai haalat zamin ke chehre ki
ki aasman hai naya rup dhaarne wala

utar kai kargah-e-fan mein fath-yab hua
bisat-e-dahr pe har-ros haarne wala

main apne ahd ka sanna-e-shahr hun 'zahid'
mera qalam hai nae naqsh ubhaarne wala

Source: Funoon(Jadeed Ghazal Number: Volume-002)