Warning: session_start(): open(/tmp/sess_soh4mrh1eh7vhn9r3boed6egn6, O_RDWR) failed: No space left on device (28) in /razi/eraazi/darbari/chunmun/index.php on line 15
karna hai kar-e-KHair to phir sar na dekhna

Subscribe to our newsletter and get our newest updates

Vishma Khan Vishma

  • Ghazal


karna hai kar-e-KHair to phir sar na dekhna


karnā hai kār-e-ḳhair to phir sar na dekhnā
barseñ jo terī zaat pe patthar na dekhnā

lagne lageñge dost bhī dushman sabhī tumheñ
ya.anī hai kis ke haath meñ ḳhanjar na dekhnā

rakhnā haqīqateñ bhī nigāhoñ ke sāmne
din raat sirf ḳhvāb kā manzar na dekhnā

rah jaa.e rañg-o-bū se ta.alluq tirā agar
phūloñ ko apne haath se chhū kar na dekhnā

jaanā agar hai paar to ho kar savār tum
kashtī ke saath saath samundar na dekhnā

ḳhud karnā zindagī se vafāoñ kā faisla
kyā kah rahā hai tum se muqaddar na dekhnā

masrūf apnī jañg meñ rahnā sadā magar
nazreñ uThā ke tum kabhī uupar na dekhnā

karna hai kar-e-KHair to phir sar na dekhna
barsen jo teri zat pe patthar na dekhna

lagne lagenge dost bhi dushman sabhi tumhein
yani hai kis ke hath mein KHanjar na dekhna

rakhna haqiqaten bhi nigahon ke samne
din raat sirf KHwab ka manzar na dekhna

rah jae rang-o-bu se talluq tera agar
phulon ko apne hath se chhu kar na dekhna

jaana agar hai par to ho kar sawar tum
kashti ke sath sath samundar na dekhna

KHud karna zindagi se wafaon ka faisla
kya kah raha hai tum se muqaddar na dekhna

masruf apni jang mein rahna sada magar
nazren uTha ke tum kabhi upar na dekhna


Leave a comment

+