shahr bezār rahguzar tanhā
zindagī uTh chalī kidhar tanhā

merī rag-rag meñ dhuul raqsāñ hai
mujh meñ maujūd hai khañDar tanhā

dasht kī nā-tamām rāhoñ par
koī sāthī hai to shajar tanhā

terī aahaT sajā ke palkoñ par
DhūñDhtī hai tujhe nazar tanhā

ho ke be-nūr raat kahlā.ī
chāñd ko DhūñDhtī sahar tanhā

sañg bhī dil bhī aur Thokar bhī
'arsh' tanhā na ye safar tanhā

shahr bezar rahguzar tanha
zindagi uTh chali kidhar tanha

meri rag-rag mein dhul raqsan hai
mujh mein maujud hai khanDar tanha

dasht ki na-tamam rahon par
koi sathi hai to shajar tanha

teri aahaT saja ke palkon par
DhunDhti hai tujhe nazar tanha

ho ke be-nur raat kahlai
chand ko DhunDhti sahar tanha

sang bhi dil bhi aur Thokar bhi
'arsh' tanha na ye safar tanha