ujaḌ ke ghar se sar-e-rāh aa ke baiThe haiñ
ham apnī zid meñ sabhī kuchh gañvā ke baiThe haiñ
kahāñ tak apnī hī parchhā.iyoñ se bhāgeñge
ye log jo tirī mahfil meñ aa ke baiThe haiñ
ab āh-o-zārī-e-ġham-ḳhvār kā fareb khulā
ye mehrbāñ bhī vahīñ dil lagā ke baiThe haiñ
azāb-e-hashr kā kyā zikr ham se ai vaa.iz
ham is balā ko yahīñ aazmā ke baiThe haiñ
ujaD ke ghar se sar-e-rah aa ke baiThe hain
hum apni zid mein sabhi kuchh ganwa ke baiThe hain
kahan tak apni hi parchhaiyon se bhagenge
ye log jo teri mahfil mein aa ke baiThe hain
ab aah-o-zari-e-gham-KHwar ka fareb khula
ye mehrban bhi wahin dil laga ke baiThe hain
azab-e-hashr ka kya zikr hum se ai waiz
hum is bala ko yahin aazma ke baiThe hain
Source: Funoon(Jadeed Ghazal Number: Volume-002)
Leave a comment