jamāl-e-nastaranī rañg-o-bū-e-yāsmanī
guloñ ne siikh liyā tum se zauq-e-pairahanī

zamāna-sāz na ho gar butoñ kī sīm-tanī
to azm-e-but-shikanī bhī hai ain barhamanī

savād-e-koh-o-bayābāñ meñ shām-e-be-vatnī
hameñ lubhā ke kahāñ laa.e āhū-e-ḳhutanī

hazār rañg meñ pinhāñ hai ārzū-e-hayāt
duā-e-nīm-shabī tā junūn-e-koh-kanī

ba-nām-e-daulat-e-husn-o-jamāl be-pāyāñ
samajh ke kījiye ahl-e-talab kī dil-shikanī

majāl-e-āh na thī dil ko bazm-e-jānāñ meñ
ye ehtiyāt bhī thī muqtazā-e-gul-badanī

vo rañj-e-rāh-e-tamannā meñ yād-e-yār-e-azīz
vo duur bajte hue se rabāb-e-anjumanī

jamal-e-nastarani rang-o-bu-e-yasmani
gulon ne sikh liya tum se zauq-e-pairahani

zamana-saz na ho gar buton ki sim-tani
to azm-e-but-shikani bhi hai ain barhamani

sawad-e-koh-o-bayaban mein sham-e-be-watni
hamein lubha ke kahan lae aahu-e-KHutani

hazar rang mein pinhan hai aarzu-e-hayat
dua-e-nim-shabi ta junun-e-koh-kani

ba-nam-e-daulat-e-husn-o-jamal be-payan
samajh ke kijiye ahl-e-talab ki dil-shikani

majal-e-ah na thi dil ko bazm-e-jaanan mein
ye ehtiyat bhi thi muqtaza-e-gul-badani

wo ranj-e-rah-e-tamanna mein yaad-e-yar-e-aziz
wo dur bajte hue se rabab-e-anjumani

Source: Funoon(Jadeed Ghazal Number: Volume-002)