jaane ye kaisā zahr diloñ meñ utar gayā
parchhā.īñ zinda rah ga.ī insān mar gayā

barbādiyāñ to merā muqaddar hī thiiñ magar
chehroñ se dostoñ ke mulammā utar gayā

ai dopahar kī dhuup batā kyā javāb duuñ
dīvār pūchhtī hai ki saaya kidhar gayā

is shahr meñ farāsh-talab hai har ek raah
vo ḳhush-nasīb thā jo salīqe se mar gayā

kyā kyā na us ko zom-e-masīhā.ī thā 'umīd'
ham ne dikhā.e zaḳhm to chehra utar gayā

jaane ye kaisa zahr dilon mein utar gaya
parchhain zinda rah gai insan mar gaya

barbaadiyan to mera muqaddar hi thin magar
chehron se doston ke mulamma utar gaya

ai dopahar ki dhup bata kya jawab dun
diwar puchhti hai ki saya kidhar gaya

is shahr mein farash-talab hai har ek rah
wo KHush-nasib tha jo saliqe se mar gaya

kya kya na us ko zom-e-masihai tha 'umid'
hum ne dikhae zaKHm to chehra utar gaya

Videos
This video is playing from YouTube Videos
This video is playing from YouTube Ummeed Fazli