bahut kuchh vasl ke imkān hote
sharārat karte ham shaitān hote
simaT aa.ī hai ik kamre meñ duniyā
to bachche kis tarah nādān hote
kisī din uqda-e-mushkil bhī khultā
kabhī ham par bhī tum āsān hote
ḳhatā se muñh chhupā.e phir rahe haiñ
farishte ban ga.e insān hote
har ik dam jaañ nikālī jā rahī hai
ham ik dam se kahāñ be-jān hote
bahut kuchh wasl ke imkan hote
shararat karte hum shaitan hote
simaT aai hai ek kamre mein duniya
to bachche kis tarah nadan hote
kisi din uqda-e-mushkil bhi khulta
kabhi hum par bhi tum aasan hote
KHata se munh chhupae phir rahe hain
farishte ban gae insan hote
har ek dam jaan nikali ja rahi hai
hum ek dam se kahan be-jaan hote
Leave a comment