Subscribe to our newsletter and get our newest updates

Ummeed Fazli

  • Ghazal


tum ho jo kuchh kahan chhupaoge


tum ho jo kuchh kahāñ chhupāoge
likhne vaalo nazar to aaoge

jab kisī ko qarīb pāoge
zā.iqa apnā bhuul jāoge

aa.ina hairatoñ kā ḳhvāb nahīñ
ḳhud se aage bhī ḳhud ko pāoge

ye harārat lahū meñ kai din kī
ḳhud-ba-ḳhud us ko bhuul jāoge

āñdhiyāñ roz mujh se pūchhtī haiñ
ghar meñ kis din diyā jalāo.ge

saaya roke hue hai raah safar
tum ye dīvār kab girāoge

ab jo aa.e bhī tum to kyā hogā
ḳhud dikhoge mujhe dikhāoge

yahī hogā ki tum dar-e-jāñ par
dastakeñ de ke lauT jāoge

vo jo ik shaḳhs mujh meñ zinda thā
us ko zinda kahāñ se lāoge

aise mausam guzar ga.e haiñ ki ab
mujh ko bhī mujh sā tum na pāoge

jo lahū meñ diye jalātī thiiñ
aisī shāmeñ kahāñ se lāoge

ḳhvāhishoñ ke hisār meñ ghir kar
rāsta ghar kā bhuul jāoge

tum ho jo kuchh kahan chhupaoge
likhne walo nazar to aaoge

jab kisi ko qarib paoge
zaiqa apna bhul jaoge

aaina hairaton ka KHwab nahin
KHud se aage bhi KHud ko paoge

ye hararat lahu mein kai din ki
KHud-ba-KHud us ko bhul jaoge

aandhiyan roz mujh se puchhti hain
ghar mein kis din diya jalaoge

saya roke hue hai rah safar
tum ye diwar kab giraoge

ab jo aae bhi tum to kya hoga
KHud dikhoge mujhe dikhaoge

yahi hoga ki tum dar-e-jaan par
dastaken de ke lauT jaoge

wo jo ek shaKHs mujh mein zinda tha
us ko zinda kahan se laoge

aise mausam guzar gae hain ki ab
mujh ko bhi mujh sa tum na paoge

jo lahu mein diye jalati thin
aisi shamen kahan se laoge

KHwahishon ke hisar mein ghir kar
rasta ghar ka bhul jaoge


Source: Book : siip (Magzin) (Pg. 224) Author : Nasiim Durraani Publication : Fikr-e-Nau (39 (Quarterly)) Edition : 39 (Quarterly)

Leave a comment

+