Warning: session_start(): open(/tmp/sess_7gro36e80chpcnfe1lf2rqap73, O_RDWR) failed: No space left on device (28) in /razi/eraazi/darbari/chunmun/index.php on line 15
ilm o fan ke raaz-e-sar-basta ko wa karta hua

Subscribe to our newsletter and get our newest updates

Umair Manzar

  • Ghazal


ilm o fan ke raaz-e-sar-basta ko wa karta hua


ilm o fan ke rāz-e-sar-basta ko vā kartā huā
vo mujhe jab bhī milā hai tarjuma kartā huā

sirf ehsās-e-nadāmt ke sivā kuchh bhī nahīñ
aur aisā bhī magar vo bār-hā kartā huā

jaane kin hairāniyoñ meñ hai ki ik muddat se vo
ā.īna-dar-ā.īna-dar-ā.īna kartā huā

kyā qayāmat-ḳhez hai us kā sukūt-e-nāz bhī
ek aalam ko magar vo lab-kushā kartā huā

āgahī aaseb kī mānind raqsāñ har taraf
maiñ ki har dām-e-shunīdan ko sadā kartā huā

ek merī jaan ko andeshe sau sau tarah ke
ek vo apne liye sab kuchh ravā kartā huā

haal kyā pūchho ho 'manzar' kā vo dekho us taraf
saarī duniyā se alag apnī sanā kartā huā

ilm o fan ke raaz-e-sar-basta ko wa karta hua
wo mujhe jab bhi mila hai tarjuma karta hua

sirf ehsas-e-nadamt ke siwa kuchh bhi nahin
aur aisa bhi magar wo bar-ha karta hua

jaane kin hairaniyon mein hai ki ek muddat se wo
aaina-dar-aina-dar-aina karta hua

kya qayamat-KHez hai us ka sukut-e-naz bhi
ek aalam ko magar wo lab-kusha karta hua

aagahi aaseb ki manind raqsan har taraf
main ki har dam-e-shunidan ko sada karta hua

ek meri jaan ko andeshe sau sau tarah ke
ek wo apne liye sab kuchh rawa karta hua

haal kya puchho ho 'manzar' ka wo dekho us taraf
sari duniya se alag apni sana karta hua

RECITATIONS Umair Manzar



00:00/00:00 ilm o fan ke raaz-e-sar-basta ko wa karta hua Umair Manzar

Leave a comment

+